Үйл ажиллагаа >> Геологи, хайгуул

Компанийн
геологичид нь

  • 1:50000-ны масштабын геологийн зураглал, ерөнхий эрлийн ажлаас эхлэн Баруун, Өмнөд, Төв болон Дорнод Монголын нутагт алтны үндсэн болон шороон ордын эрэл хайгуул, нүүрс, полиметаллын эрлийн болон хайгуулын ажлын бүхий л үе шатыг гадаад дотоодын аж ахуй нэгж байгууллагуудтай хамтран гүйцэтгэж холбогдох тайланг бичиж байсан туршлагатай.
  • Манай компани нь алтны шороон ордын ашиглалт, олборлолт нөхөн сэргээлт, төрөл бүрийн ашигт малтмалын эрэл хайгуул, орд газрын шинжилгээ судалгаа, нөөцийн үнэлгээ, уулын болон хайгуулын ажлын төлөвлөгөө зэргийг гүйцэтгэж байна.
  • 2019-2020 онд MV-005028 тусгай зөвшөөрлийн талбайд нэмэлт хайгуулын ажил хийж Жалга-3, Жалга-4, Ар наймганы дунд хэсэг болон үүсмэл шороон ордод нөөцийн тайлан бичигдсэн бөгөөд ЭБМЗ-ийн хурлаар орох бэлтгэл хангагдаж байгаа юм.
  • Уурхайд 5 экскаватор, 17 автосамосвал, 5 утгуурт ачигч, үйлчилгээний 5 машин тус тус ашиглаж байна.
  • Манай компанийн геологи-хайгуулын хэсэг нь зөвлөх геологич 1, мэргэшсэн геологич 1, геологич 6 нийт 8 геологич, УКС-22 өрмийн 2 машинтай өрөмдөгийн бүтэн багаар геологи хайгуулын ажлыг чанарын өндөр түвшинд хийж гүйцэтгэж Эрдэс баялагийн мэргэжлийн зөвлөлөөр 10 гаруй тайланг бичиж хэлэлцүүлсэн амжилттай ажиллаж байна.

төслийн танилцуулга

2014 оноос одоог хүртэл Төв аймгийн Заамар сумын нутагт орших Ар наймганы дунд хэсэг нэртэй MV-005028 тоот ашиглалтын тусгай зөвшөөрөл алтны шороон ордод ашиглалтын үйл ажиллагаа явуулж байна. Төслийн хүрээнд тухайн ордын нэмэлт нарийвчилсан хайгуулын ажлыг амжилттай хийж гүйцэтгэн 2016 болон 2018 онд ЭБМЗ-өөр хэлэлцүүлэн баялгийг улсын санд бүртгүүлсэн.

төслийн танилцуулга

2015 болон 2022 оноос Дархан-Уул аймгийн Хонгор сумын нутагт орших Зоолуу-Хар нэртэй MV-012415 тоот ашиглалтын тусгай зөвшөөрөл алтны шороон ордод “Очир-Ундраа” ХХК-тай байгуулсан ажил гүйцэтгэх гэрээний дагуу ашиглалтын үйл ажиллагаа явуулсан. Энэ хугацаанд ашиглалтын үеийн хайгуулын ажлыг хийж гүйцэтгэсэн.

төслийн танилцуулга

2016-2019 онуудад “Саудгоби Фортуна” ХХК-ийн эзэмшлийн Өмнөговь аймгийн Номгон сумын нутагт орших Тогоот нэртэй XV-012990 тоот ашигт малтмалын хайгуулын тусгай зөвшөөрөл бүхий талбайд ажил гүйцэтгэх гэрээний дагуу хайгуулыг ажлыг амжилттай хийж гүйцэтгэн үр дүнгийн тайланг ЭБМЗ-өөр хэлэлцүүлж, баялгийг улсын санд бүртгүүлсэн.

төслийн танилцуулга

2016-2018 онд Булган аймгийн Дашинчилэн сумын нутагт орших Доргонот, Улаан ухаа нэртэй MV-020717 тоот ашигт малтмалын ашиглалтын тусгай зөвшөөрөл бүхий талбайд ашиглалтын үйл ажиллагаа явуулсан бөгөөд тус төслийн хүрээнд тухайн ордын нэмэлт нарийвчилсан хайгуулын ажлыг амжилттай хийж гүйцэтгэн 2016 онд ЭБМЗ-өөр хэлэлцүүлэн батлуулсан.

төслийн танилцуулга

2015 оноос Өвөрхайнгай аймгийн Баруун Баян Улаан болон Нарийн Тээл сумдын нутагт байрлах XV-018292, XV- 018113 хайгуулын тусгай зөвшөөрөл бүхий талбайнуудад зураглал болон эрэл хайгуулын ажлуудыг явуулж хэтийн төлөвийн үнэлгээ өгсөн.

төслийн танилцуулга

2021 онд Төв аймгийн Борнуур сумын нутагт байрлах XV-021640 Харганат нэртэй талбайг сонгон шалгаруултаар аван эрэл хайгуулын ажлын хүрээнд зураглал болон эрлийн өрөмдлөгийн ажлыг дээжлэлтийн ажилтай хослуулан хийлээ.

төслийн танилцуулга

Дорноговь аймгийн Хатанбулаг сумын нутагт байрлах XV-021824 тоот тусгай зөвшөөрөл бүхий Хутаг Уул нэртэй талбайд зураглал болон соронзон хайгуулын ажлыг хайж гүйцэтгэсэн байна.

төслийн танилцуулга

2020-2022 онуудад Төв аймгийн Заамар сумын нутагт орших Ар наймганы дээд хэсэгт шороон ордын хайгуулын өрөмлөгийн ажлыг хийж гүйцэтгэсэн.